26 იანვარს რადიო თავისუფლების "დილის საუბრების" სტუმარი იყო გოგიტა ღვედაშვილი, არასამთავრობო ორგანიზაცია - „ევროპული ინიციატივა - ლიბერალური აკადემია თბილისის" მკვლევარი. მან ილაპარაკა რუსეთიდან მომდინარე ხისტი და რბილი ძალის საფრთხეებზე საქართველოში. ამ თემაზე ორგანიზაციამ მოამზადა გამოკვლევა, რომელშიც ნაჩვენებია რამდენიმე მნიშვნელოვან სფეროში რუსეთის გავლენის ბერკეტები და მასშტაბი. გოგიტა ღვედაშვილმა ყურადღება გაამახვილა რუსეთის რბილი ძალის თავისებურებებსა და ეფექტზე.
