გადაცემის სტუმრები არიან საქართველოს ანტისადოპინგო სააგენტოს ხელმძღვანელი პავლე კასრაძე და მთამსვლელთა ეროვნული ფედერაციის პრეზიდენტი გივი ქართველიშვილი, რომლებიც საუბრობენ ამასწინანდელ დოპინგსკანდალსა და საქართველოში მთამსვლელობის შემდგომი განვითარების პერსპექტივებზე. ჟურნალისტი დავით კაკაბაძე რადიომსმენელებს ფიფას პრეზიდენტის მომავალ არჩევნებთან დაკავშირებულ ახალ ამბებს პრაღიდან გააცნობს. საერთაშორისო დიდოსტატი, ცნობილი მწვრთნელი ელიზბარ უბილავა რეიკიავიკიდან გვიამბობს ჭადრაკში ევროპის ჩემპიონატზე საქართველოს მოჭადრაკე ქალთა ნაკრების შანსების შესახებ.
