ევროკომისარი გაფართოებისა და ევროპის სამეზობლო პოლიტიკის საკითხებში შტეფან ფიულე კოალიცია ”ქართული ოცნების” ლიდერს, ბიძინა ივანიშვილს, პარტიათა საარჩევნო ქცევის წესებზე ხელმოწერას სთხოვს. როგორც შტეფან ფიულეს სპიკერი აცხადებს, ფიულესა და ბიძინა ივანიშვილის შეხვედრა ბრიუსელში მხოლოდ მას შემდეგ შედგება, რაც კოალიცია ქცევის წესების დეკლარაციას შეუერთდება. კოალიციის წევრი, რესპუბლიკელი დავით უსუფაშვილი რადიო თავისუფლებასთან საუბარში ირწმუნება, რომ კოალიცია დეკლარაციას მიერთებულია და შტეფან ფიულე, ისევე როგორც სხვა უცხოელი მაღალჩინოსნები, ხელისუფლებას შეცდომაში შეჰყავს. მისივე განცხადებით, ბიძინა ივანიშვილსა და შტეფან ფიულეს ერთმანეთთან ინტენსიური და საქმიანი ურთიერთობა აქვთ.
შეხვდება თუ არა მომავალ კვირას ბრიუსელში ჩასულ კოალიცია ”ქართული ოცნების” ლიდერს, ბიძინა ივანიშვილს, ევროკომისარი გაფართოებისა და ევროპის სამეზობლო პოლიტიკის საკითხებში შტეფან ფიულე, როგორც ირკვევა, ეს ორ გარემოებაზე თუ პირობაზეა დამოკიდებული. ეს პირობები ბრიუსელში 13 სექტემბერს რადიო თავისუფლებასთან საუბარში პეტერ სტანომ, შტეფან ფიულეს სპიკერმა, ჩამოთვალა.
”ბატონ ბიძინა ივანიშვილისგან თხოვნა მივიღეთ, რომ მომავალ კვირას ბრიუსელში შედგეს მისი და შტეფან ფიულეს შეხვედრა. ბატონი ფიულე მზად არის მასთან შესახვედრად, თუ მიიღებს დაპირებას, რომ ბატონ ივანიშვილის პარტია, "ქართული ოცნება" ხელს მოაწერს ქცევის კოდექსს საქართველოში მოახლოებული საპარლამენტო არჩევნებისათვის და რომ „ქართული ოცნებისათვის“ მისაღები იქნება არჩევნების შედეგები, თუ მათ ლეგიტიმურად მიიჩნევენ ავტორიტეტიანი სამეთვალყურეო ორგანიზაციები, უწინარეს ყოვლისა ეუთო და ეუთოს დემოკრატიული ინსტიტუტებისა და ადამიანის უფლებათა ოფისი“, - აცხადებს პეტერ სტანო.
შეგახსენებთ, რომ ამ ზაფხულს „ერთიანმა ნაციონალურმა მოძრაობამ“ დეკლარაცია - უფრო ზუსტად კი, საარჩევნოდ პარტიათა ქცევის წესები -შეიმუშავა და პოლიტიკურ პარტიებს მასზე ხელის მოწერისაკენ მოუწოდა. კოალიცია ”ქართული ოცნების” ლიდერი ბიძინა ივანიშვილი მაშინ იდეას მიესალმა, თუმცა აღნიშნა, რომ ასეთი დოკუმენტი პარტიებისა და არასამთავრობო ორგანიზაციების ჩართულობით უნდა შექმნილიყო. „ნაციონალური მოძრაობის“ მიერ შემუშავებული ქცევის წესების ერთ-ერთი - მეოთხე - პუნქტი სწორედ იმ საკითხს ეხებოდა, რომელზეც ფიულეს სპიკერი პეტერ სტანო მიუთითებს, ანუ ხელმომწერი პარტიები იღებენ ”პასუხისმგებლობას სანდო რეპუტაციის მქონე სადამკვირვებლო ორგანიზაციების მიერ ლეგიტიმურად მიჩნეული არჩევნების შედეგების აღიარებაზე”.
„ნაციონალური მოძრაობის“ მიერ საარჩევნო ქცევის წესების შემუშავებიდან რამდენიმე ხანში არასამთავრობო ორგანიზაციებმა დამოუკიდებელი, 17 პუნქტიანი დეკლარაცია შექმნეს, რომელშიც აგვისტოს ბოლოს გარკვეული შესწორება შევიდა და მას „ნაციონალური მოძრაობის“ მიერ დაწერილი ქცევის წესებიც დაემატა, მათ შორის ერთ-ერთი კი სწორედ ის მეოთხე პუნქტია, რომლის მიხედვითაც, პარტიები ”სანდო რეპუტაციის მქონე სადამკვირვებლო ორგანიზაციების მიერ არჩევნების ლეგიტიმურად მიჩნეულ შედეგებს აღიარებენ“. თუმცა, როგორც რადიო თავისუფლებასთან საუბარში ”ახალგაზრდა იურისტთა ასოციაციის” ხელმძღვანელ თამარ ჩუგოშვილი განმარტავს, არჩევნების შედეგების აღიარების ვალდებულება მხარეებს მხოლოდ იმ შემთხვევაში ეკისრებათ, თუკი წინასაარჩევნო კამპანია დეკლარაციაში შემავალი ყველა პუნქტის დაცვით წარიმართება:
”თუკი ხელშეკრულების პირობები იქნება დაცული და არჩევნები, ისევე როგორც წინასაარჩევნო პერიოდი, მშვიდ და სამართლიან გარემოში ჩაივლის, რა თქმა უნდა, ყველას აქვს ვალდებულება, რომ ასეთ გარემოში ჩატარებული არჩევნების შედეგები აღიაროს”, - ამბობს თამარ ჩუგოშვილი.
რადიო თავისუფლება კოალიცია ”ქართული ოცნების” წევრს, რესპუბლიკელ დავით უსუფაშვილს დაუკავშირდა და ევროკომისრის გაფართოებისა და ევროპის სამეზობლო პოლიტიკის საკითხებში შტეფან ფიულეს, თუ შეიძლება ასე ითქვას, გარკვეულ ულტიმატუმზე კომენტარის გაკეთება სთხოვა. როგორც ის ამბობს, ბიძინა ივანიშვილსა და შტეფან ფიულეს ერთმანეთთან ინტენსიური, საქმიანი და თბილი ურთიერთობა აქვთ. მისივე მტკიცებით, კოალიცია დეკლარაციას მიერთებულია, მაღალი რანგის უცხოელი დიპლომატები კი ხელისუფლებას შეცდომაში შეჰყავს:
”ფაქტობრივად, საქართველოს საელჩოები ყველა ქვეყანაში იმით არიან დაკავებულნი, რომ კოალიცია ”ქართულ ოცნებაზე” სიცრუე გაავრცელონ. შესაძლოა, ეს ადამიანიც ასეთი არასწორი ინფორმაციის მსხვერპლია, ისევე როგორც, მაგალითად, ესტონეთის საგარეო საქმეთა მინისტრი, რომელიც ცოტა ხნის წინ ”ვოლ სტრიტ ჯორნალთან” საუბარში სწორედ იმაზე მიუთითებს, თითქოს ჩვენ ამ ქცევის წესებთან არ ვართ მიერთებულნი. სამოქალაქო საზოგადოების მიერ შემოთავაზებულ დოკუმენტს კოალიცია ”ქართული ოცნება” არის მიერთებული დღიდან ამ დოკუმენტის გამოჩენისა. ჩვენ ვართ მიერთებულნი პირველ ვერსიასთანაც, მეორესთანაც, მესამესთანაც...”
რაც შეეხება მომავალ კვირას ბიძინა ივანიშვილის ბრიუსელში დაგეგმილ ვიზიტს, როგორც დავით უსუფაშვილი ამბობს, ამ ვიზიტის შესახებ ის ჯერჯერობით ინფორმირებული არ არის.
ისევე როგორც დავით უსუფაშვილი, კოალიციის კიდევ ერთი წევრი, ”თავისუფალი დემოკრატების” ლიდერი ირაკლი ალასანია რადიო თავისუფლებასთან საუბარში აცხადებს, რომ კოალიციამ დეკლარაციის პუნქტებს ხელი მოაწერა, და იქვე სწორედ იმ საერთაშორისო სადამკვირვებლო მისიების დასკვნაზე ამახვილებს ყურადღებას, რომლის შესახებაც პეტერ სტანო, შტეფან ფიულეს სპიკერი, ”ქართულ ოცნებას” მიუთითებს:
”თუკი ობიექტურად იქნება ასახული ამომრჩევლის ნება, - აქ იდეალურზე არ არის ლაპარკი, საუბარია ობიექტურ ასახვაზე, - და ეუთო და ოდირი აღიარებენ ამ არჩევნებს, როგორც დემოკრატიულად ჩატარებულ არჩევნებს, ჩვენთვისაც, ბუნებრივია, ეს შედეგები იქნება მისაღები, ისევე როგორც ყველასთვის ქართულ პოლიტიკურ სპექტრში.”
მაგრამ იქვე ირაკლი ალასანია იმის შესახებაც საუბრობს, რომ თუკი ჩატარებული არჩევნების გარშემო ქართულ საზოგადოებაში კითხვის ნიშნები გაჩნდება, „ქართული ოცნება“ გამოიყენებს პროტესტის ყველა სამართლებრივ და კონსტიტუციურ მეთოდს, რათა, მისი თქმით, საქმე მიყვანილი იქნეს ბოლომდე და ქართული საზოგადოების ნება არჩევნებში ობიექტურად აისახოს.
აქვე გეტყვით იმასაც, რომ, პეტერ სტანოს სიტყვებით, ევროკავშირი გამოთქვამს გარკვეულ წუხილს საქართველოში არჩევნებთან დაკავშირებული პოლარიზაციის გამო.
”ევროკავშირისათვის განსაკუთრებით მნიშვნელოვანია, რომ არჩევნები, პირველ რიგში, უკავშირდებოდეს პოლიტიკურ პროგრამებსა და იდეებს. ჩვენ ყურადღებას ვამახვილებთ ორივე მხარის - ხელისუფლებისა და ოპოზიციის - პასუხისმგებლობაზე, რათა უზრუნველყონ სათანადო ქცევა და, მაშასადამე, არჩევნების ლეგიტიმურობა”, - აცხადებს პეტერ სტანო.
შეხვდება თუ არა მომავალ კვირას ბრიუსელში ჩასულ კოალიცია ”ქართული ოცნების” ლიდერს, ბიძინა ივანიშვილს, ევროკომისარი გაფართოებისა და ევროპის სამეზობლო პოლიტიკის საკითხებში შტეფან ფიულე, როგორც ირკვევა, ეს ორ გარემოებაზე თუ პირობაზეა დამოკიდებული. ეს პირობები ბრიუსელში 13 სექტემბერს რადიო თავისუფლებასთან საუბარში პეტერ სტანომ, შტეფან ფიულეს სპიკერმა, ჩამოთვალა.
”ბატონ ბიძინა ივანიშვილისგან თხოვნა მივიღეთ, რომ მომავალ კვირას ბრიუსელში შედგეს მისი და შტეფან ფიულეს შეხვედრა. ბატონი ფიულე მზად არის მასთან შესახვედრად, თუ მიიღებს დაპირებას, რომ ბატონ ივანიშვილის პარტია, "ქართული ოცნება" ხელს მოაწერს ქცევის კოდექსს საქართველოში მოახლოებული საპარლამენტო არჩევნებისათვის და რომ „ქართული ოცნებისათვის“ მისაღები იქნება არჩევნების შედეგები, თუ მათ ლეგიტიმურად მიიჩნევენ ავტორიტეტიანი სამეთვალყურეო ორგანიზაციები, უწინარეს ყოვლისა ეუთო და ეუთოს დემოკრატიული ინსტიტუტებისა და ადამიანის უფლებათა ოფისი“, - აცხადებს პეტერ სტანო.
ბატონი ფიულე მზად არის მასთან შესახვედრად, თუ მიიღებს დაპირებას, რომ ბატონ ივანიშვილის პარტია, "ქართული ოცნება" ხელს მოაწერს ქცევის კოდექსს ...პეტერ სტანო
შეგახსენებთ, რომ ამ ზაფხულს „ერთიანმა ნაციონალურმა მოძრაობამ“ დეკლარაცია - უფრო ზუსტად კი, საარჩევნოდ პარტიათა ქცევის წესები -შეიმუშავა და პოლიტიკურ პარტიებს მასზე ხელის მოწერისაკენ მოუწოდა. კოალიცია ”ქართული ოცნების” ლიდერი ბიძინა ივანიშვილი მაშინ იდეას მიესალმა, თუმცა აღნიშნა, რომ ასეთი დოკუმენტი პარტიებისა და არასამთავრობო ორგანიზაციების ჩართულობით უნდა შექმნილიყო. „ნაციონალური მოძრაობის“ მიერ შემუშავებული ქცევის წესების ერთ-ერთი - მეოთხე - პუნქტი სწორედ იმ საკითხს ეხებოდა, რომელზეც ფიულეს სპიკერი პეტერ სტანო მიუთითებს, ანუ ხელმომწერი პარტიები იღებენ ”პასუხისმგებლობას სანდო რეპუტაციის მქონე სადამკვირვებლო ორგანიზაციების მიერ ლეგიტიმურად მიჩნეული არჩევნების შედეგების აღიარებაზე”.
„ნაციონალური მოძრაობის“ მიერ საარჩევნო ქცევის წესების შემუშავებიდან რამდენიმე ხანში არასამთავრობო ორგანიზაციებმა დამოუკიდებელი, 17 პუნქტიანი დეკლარაცია შექმნეს, რომელშიც აგვისტოს ბოლოს გარკვეული შესწორება შევიდა და მას „ნაციონალური მოძრაობის“ მიერ დაწერილი ქცევის წესებიც დაემატა, მათ შორის ერთ-ერთი კი სწორედ ის მეოთხე პუნქტია, რომლის მიხედვითაც, პარტიები ”სანდო რეპუტაციის მქონე სადამკვირვებლო ორგანიზაციების მიერ არჩევნების ლეგიტიმურად მიჩნეულ შედეგებს აღიარებენ“. თუმცა, როგორც რადიო თავისუფლებასთან საუბარში ”ახალგაზრდა იურისტთა ასოციაციის” ხელმძღვანელ თამარ ჩუგოშვილი განმარტავს, არჩევნების შედეგების აღიარების ვალდებულება მხარეებს მხოლოდ იმ შემთხვევაში ეკისრებათ, თუკი წინასაარჩევნო კამპანია დეკლარაციაში შემავალი ყველა პუნქტის დაცვით წარიმართება:
”თუკი ხელშეკრულების პირობები იქნება დაცული და არჩევნები, ისევე როგორც წინასაარჩევნო პერიოდი, მშვიდ და სამართლიან გარემოში ჩაივლის, რა თქმა უნდა, ყველას აქვს ვალდებულება, რომ ასეთ გარემოში ჩატარებული არჩევნების შედეგები აღიაროს”, - ამბობს თამარ ჩუგოშვილი.
ფაქტობრივად, საქართველოს საელჩოები ყველა ქვეყანაში იმით არიან დაკავებულნი, რომ კოალიცია ”ქართულ ოცნებაზე” სიცრუე გაავრცელონ. შესაძლოა, ეს ადამიანიც ასეთი არასწორი ინფორმაციის მსხვერპლია ...დავით უსუფაშვილი
რადიო თავისუფლება კოალიცია ”ქართული ოცნების” წევრს, რესპუბლიკელ დავით უსუფაშვილს დაუკავშირდა და ევროკომისრის გაფართოებისა და ევროპის სამეზობლო პოლიტიკის საკითხებში შტეფან ფიულეს, თუ შეიძლება ასე ითქვას, გარკვეულ ულტიმატუმზე კომენტარის გაკეთება სთხოვა. როგორც ის ამბობს, ბიძინა ივანიშვილსა და შტეფან ფიულეს ერთმანეთთან ინტენსიური, საქმიანი და თბილი ურთიერთობა აქვთ. მისივე მტკიცებით, კოალიცია დეკლარაციას მიერთებულია, მაღალი რანგის უცხოელი დიპლომატები კი ხელისუფლებას შეცდომაში შეჰყავს:
”ფაქტობრივად, საქართველოს საელჩოები ყველა ქვეყანაში იმით არიან დაკავებულნი, რომ კოალიცია ”ქართულ ოცნებაზე” სიცრუე გაავრცელონ. შესაძლოა, ეს ადამიანიც ასეთი არასწორი ინფორმაციის მსხვერპლია, ისევე როგორც, მაგალითად, ესტონეთის საგარეო საქმეთა მინისტრი, რომელიც ცოტა ხნის წინ ”ვოლ სტრიტ ჯორნალთან” საუბარში სწორედ იმაზე მიუთითებს, თითქოს ჩვენ ამ ქცევის წესებთან არ ვართ მიერთებულნი. სამოქალაქო საზოგადოების მიერ შემოთავაზებულ დოკუმენტს კოალიცია ”ქართული ოცნება” არის მიერთებული დღიდან ამ დოკუმენტის გამოჩენისა. ჩვენ ვართ მიერთებულნი პირველ ვერსიასთანაც, მეორესთანაც, მესამესთანაც...”
რაც შეეხება მომავალ კვირას ბიძინა ივანიშვილის ბრიუსელში დაგეგმილ ვიზიტს, როგორც დავით უსუფაშვილი ამბობს, ამ ვიზიტის შესახებ ის ჯერჯერობით ინფორმირებული არ არის.
ჩვენ ყურადღებას ვამახვილებთ ორივე მხარის - ხელისუფლებისა და ოპოზიციის - პასუხისმგებლობაზე, რათა უზრუნველყონ სათანადო ქცევა და, მაშასადამე, არჩევნების ლეგიტიმურობა ...პეტერ სტანო
ისევე როგორც დავით უსუფაშვილი, კოალიციის კიდევ ერთი წევრი, ”თავისუფალი დემოკრატების” ლიდერი ირაკლი ალასანია რადიო თავისუფლებასთან საუბარში აცხადებს, რომ კოალიციამ დეკლარაციის პუნქტებს ხელი მოაწერა, და იქვე სწორედ იმ საერთაშორისო სადამკვირვებლო მისიების დასკვნაზე ამახვილებს ყურადღებას, რომლის შესახებაც პეტერ სტანო, შტეფან ფიულეს სპიკერი, ”ქართულ ოცნებას” მიუთითებს:
”თუკი ობიექტურად იქნება ასახული ამომრჩევლის ნება, - აქ იდეალურზე არ არის ლაპარკი, საუბარია ობიექტურ ასახვაზე, - და ეუთო და ოდირი აღიარებენ ამ არჩევნებს, როგორც დემოკრატიულად ჩატარებულ არჩევნებს, ჩვენთვისაც, ბუნებრივია, ეს შედეგები იქნება მისაღები, ისევე როგორც ყველასთვის ქართულ პოლიტიკურ სპექტრში.”
მაგრამ იქვე ირაკლი ალასანია იმის შესახებაც საუბრობს, რომ თუკი ჩატარებული არჩევნების გარშემო ქართულ საზოგადოებაში კითხვის ნიშნები გაჩნდება, „ქართული ოცნება“ გამოიყენებს პროტესტის ყველა სამართლებრივ და კონსტიტუციურ მეთოდს, რათა, მისი თქმით, საქმე მიყვანილი იქნეს ბოლომდე და ქართული საზოგადოების ნება არჩევნებში ობიექტურად აისახოს.
აქვე გეტყვით იმასაც, რომ, პეტერ სტანოს სიტყვებით, ევროკავშირი გამოთქვამს გარკვეულ წუხილს საქართველოში არჩევნებთან დაკავშირებული პოლარიზაციის გამო.
”ევროკავშირისათვის განსაკუთრებით მნიშვნელოვანია, რომ არჩევნები, პირველ რიგში, უკავშირდებოდეს პოლიტიკურ პროგრამებსა და იდეებს. ჩვენ ყურადღებას ვამახვილებთ ორივე მხარის - ხელისუფლებისა და ოპოზიციის - პასუხისმგებლობაზე, რათა უზრუნველყონ სათანადო ქცევა და, მაშასადამე, არჩევნების ლეგიტიმურობა”, - აცხადებს პეტერ სტანო.
