28 ივნისს რადიო თავისუფლების „დილის საუბრების“ სტუმარი იყო, ანალიტიკოსი სამხედრო-პოლიტიკურ და უსაფრთხოების საკითხებში, ბრიგადის გენერალი ამირან სალუქვაძე. მან ილაპარაკა თავდაცვის მინისტრის გადაწყვეტილებაზე, რომლის თანახმად, სამინისტრო სამხედრო-სავალდებულო გაწვევას წყვეტს.
მიუხედავად, იმისა, რომ თავდაცვის სამინისტრომ სამხედრო-სავალდებულო სამსახურში გაწვევა შეწყვიტა, სავალდებულო სამსახურში მოქალაქეებს კვლავ გაიწვევს შსს, სასჯელაღსრულების სამინისტრო და სახელმწიფო დაცვის სპეციალური სამსახური. რა საფუძვლები შეიძლებოდა ჰქონოდა თავდაცვის მინისტრის ამგვარ გადაწყვეტილებას და რა არგუმენტები აქვს გადაწყვეტილების მოწინააღმდეგეებს ამაზე საუბრობს ამირან სალუქვაძე.
