ევროკავშირის წევრი ქვეყნების ელჩებმა შეათანხმეს გადაწყვეტილება იმის თაობაზე, რომ რუსეთის კუთვნილი გაყინული აქტივებიდან მოგება გამოყენებულ იქნეს უკრაინის სამხედრო დახმარებისთვის, იტყობინება ბელგია, რომელიც ევროკავშირის მორიგე თავმჯდომარეა.
„ეს თანხა მოხმარდება უკრაინის აღდგენას და სამხედრო დაცვას რუსეთის აგრესიის კონტექსტში, წერს ბელგიის მთავრობა.
წელს, მარტში, ბრიუსელში გამართულ ევროკავშირის სამიტზე კავშირის ლიდერები ვერ შეთანხმდნენ გაყინული რუსული აქტივებიდან მოგების უკრაინის დასახმარებლად გამოყენებაზე.
თუკი ამ გეგმას დაამტკიცებენ, კიევმა შესაძლოა წელიწადში დაახლოებით 3,3 მილიარდი დოლარი მიიღოს.
ადრე ევროკომისია გამოვიდა წინადადებით, რომ ამ თანხის 90% მოხმარდეს იარაღის შესყიდვას უკრაინის შეიარაღებული ძალებისთვის, დანარჩენი კი - ქვეყნის აღდგენას.
როგორც Reuters-ი შენიშნავს, მოგების ზუსტი ზომა დამოკიდებული ინება საპროცენტო განაკვეთებზე, ვინაიდან რუსეთის ცენტრალური ბანკის კუთვნილი დაახლოებით 210 მილიარდი დოლარი, რომელიც გაყინულია, ევროკავშირის სხვადასხვა ქვეყანაშია განთავსებული სხვადასხვა ვალუტაში.
ფორუმი