დიდი ბრიტანეთში ამოქმედდა კანონი, რომელიც თავშესაფრის მთხოვნელი პირების რუანდაში დეპორტაციას ითვალისწინებს.
პარლამენტის მიერ მიღებულ დოკუმენტს მეფე ჩარლზ III-მ მოაწერა ხელი.
ამ კანონით ძალით, ბრიტანეთში უკანონოდ ჩასულ მიგრანტები ვეღარ მოითხოვენ თავშესაფარს ბრიტანეთში.
ამის ნაცვლად მოხდება მათი რუანდაში დეპორტაცია მათი ფაქტიური წარმოშობის მიუხედავად და იქ შეეძლებათ თავშესაფრის მიღების პროცედურის გავლა.
კანონით, აფრიკის ეს სახელმწიფო ჩაითვლება უსაფრთხო მესამე ქვეყნად. ეს გაკეთდა იმ მიზნით, რომ დეპორტაციის წინააღმდეგ სასამართლოში ჩივილმა აზრი დაკარგოს.
დებატები ამ მეთოდის კანონიერების შესახებ უკვე რამდენიმე წელია მიმდინარეობს. ხელისუფლების გეგმების თანახმად, მიგრანტებისთვის განკუთვნილი პირველი რეისი დიდი ბრიტანეთიდან ივლისში გაემგზავრება. ბრიტანეთის შინაგან საქმეთა სამინისტროს სიაში შეყვანილია 350 ადამიანი, რომლებსაც ყველაზე ნაკლებად აქვთ თავშესაფრის მიღების შანსი. აუკანონო მიგრანტების დეპორტაციის შესახებ კანონის გარშემო მსჯელობა 2021 წლიდან მიმდინარეობს. 2022 წლის აპრილში გაერთიანებულმა სამეფომ და რუანდამ ხელი მოაწერეს შეთანხმებას, რომლის მიხედვითაც, კიგალი მიიღებდა მიგრანტებს, ხოლო ლონდონი მილიონობით ინვესტიციას განახორციელებდა აფრიკის ამ ქვეყნის განვითარებაში.
დიდმა ბრიტანეთმა რუანდაში უკვე გადარიცხა 140 მილიონი გირვანქა სტერლინგი, მაგრამ 2022 წლის ივნისში მიგრანტებისთვის განკუთვნილი პირველი რეისი, ECHR-ის (ადამიანის უფლებების ევროპული სასამართლო) გადაწყვეტილებით, ბოლო მომენტში გაუქმდა.
2023 წლის ნოემბერში ბრიტანეთის უზენაესმა სასამართლომ დაადგინა, რომ რუანდაში მიგრანტების გაძევება არღვევს ადამიანის უფლებათა ევროპულ კონვენციას, რომელიც კრძალავს არაადამიანურ და დამამცირებელ მოპყრობას. კანონპროექტის კრიტიკოსებმა არაერთხელ აღნიშნეს, რომ რუანდაში პოლიტიკური ლტოლვილები შეიძლება საფრთხეში აღმოჩნდნენ. კანონპროექტს ასევე უწოდეს "არაეფექტური, გაუმართლებლად სასტიკი და ძვირადღირებული."
